Irani ka pranuar se ushtria e vet e ka bërë një gabim kur pa qëllim e ka rrëzuar një aeroplan ukrainas, duke i lënë të vrarë 176 persona. Pranimi i fajësisë erdhi disa ditë pas mohimit të raporteve të inteligjencës së shteteve të perëndimit se përgjegjës për këtë ngjarje ishte Tehrani.

Të shtunën në mëngjes, televizioni shtetëror iranian e publikoi një deklaratë të ushtrisë, në të cilën thuhet se rrëzimi i aeroplanit të kompanisë “Ukraine International Airlines” ka ndodhur për shkak të një gabimi njerëzor. Ky njoftim u përcoll më pas nga kërkimfalja e presidentit iranian.

Presidenti Hassan Rouhani shkroi në Twitter: “Republika Islamike e Iranit shpreh keqardhje të thellë për këtë gabim të tmerrshëm. Mendimet dhe lutjet e mia shkojnë për të gjitha familjet që po mbajnë zi. I ofroj ngushëllimet e mia më të sinqerta.”

Hassan Rouhani@HassanRouhani

The Islamic Republic of Iran deeply regrets this disastrous mistake.

My thoughts and prayers go to all the mourning families. I offer my sincerest condolences. https://twitter.com/HassanRouhani/status/1215856039997984768 …Hassan Rouhani@HassanRouhaniArmed Forces’ internal investigation has concluded that regrettably missiles fired due to human error caused the horrific crash of the Ukrainian plane & death of 176 innocent people.
Investigations continue to identify & prosecute this great tragedy & unforgivable mistake. #PS752
5,0765:43 AM – Jan 11, 2020Twitter Ads info and privacy3,736 people are talking about this

Në deklaratën e ushtrisë thuhet se aeroplani i rrëzuar ishte menduar gabimisht se ishte një cak i armikut pasi u kthye në drejtim të një qendre të ndjeshme ushtarake të Rojeve Revolucionare.

Ushtria kërkoi falje për këtë fatkeqësi dhe tha se do t’i përditësojë sistemet e veta për t’i parandaluar gabimet e këtilla në të ardhmen. Për më tepër, në deklaratë thuhet se personat përgjegjës do të japin llogari para Departamentit të Drejtësisë brenda sistemit ushtarak.

Aeroplani i tipit “Boeing 737” u rrëzua disa minuta pasi ishte ngritur në qiell nga aeroporti i Tehranit. Ngjarja ndodhi disa orë pas sulmit me raketa ndaj forcave amerikane në Irak, shkruan “The Guardian”

SHPËRNDAJE

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu