Federata e Futbollit e Kosovës, i ka reaguar ashpër Federatës së Futbollit të Serbisë për tentimin e organizimit të ndeshjeve me karakter garues në kuadër të Kupës së Serbisë në Zveçan.Kështu, Federata e Futbollit të Serbisë po tenton të organizon një ndeshje ilegale ndërmjet klubit të ‘Trepça’ nga Mitrovica e Veriut dhe klubit tjetër serb, Crvena Zvezda nga Beograd, shkruan GazetaBlic.Por FFK, në krye me presidentin Ademi i bëjnë me dije FFS-së, se FFK është organi i vetëm legal që organizon gara në Kosovë.

Ja postimi i plotë i presidenti të FFK-së, Agim Ademi:

“Federata e Futbollit e Kosovës reagon ashpër ndaj tendencës së Federatës së Futbollit të Serbisë që të organizojë ndeshje të karakterit garues në kuadër të Kupës së Serbisë në Zveçan, ndërmjet klubit ilegal ‘Trepça’ nga Mitrovica e Veriut dhe klubit Crvena Zvezda nga Beogradi.Me këtë rast ftojmë FIFA-n dhe UEFA-n që të reagojnë urgjentisht dhe të mos lejojnë të shkelen statutet e tyre dhe njëherësh të parandalojnë ndonjë skenar të destabilizimit të gjendjes në veri të vendit tonë.

Po ashtu kërkojmë nga institucionet e shtetit dhe organet e rendit e të sigurisë që ta trajtojnë me urgjencë këtë çështje dhe të marrin masat e duhura, në mënyrë që të mbrohet integriteti i FFK-së.FFK-ja, si organi i vetëm legal për të organizuar gara të futbollit në Kosovë, nuk ka dhënë leje për zhvillimin e një ndeshje të tillë dhe këtë e vlerëson si provokim të rëndë nga Federata e Futbollit e Serbisë.
Ne jemi të hapur për t’i përfshirë nën ombrellën tonë të gjitha klubet që veprojnë në Kosovë e që janë të regjistruara në institucionet e vendit, pa marrë parasysh përkatësinë etnike. Prandaj, i ftojmë klubet serbe që ta pranojnë sa më parë realitetin dhe aktivitetin e tyre ta zhvillojnë në kuadër të garave të rregullta të organizuara nga FFK. Çdo gjë tjetër është mashtrim dhe nuk i dërgon ato në rrugën e zhvillimit dhe perspektivës!Me respekt,
Komiteti Ekzekutiv i FFK-së
Presidenti, Agim Ademi”.

Loading...

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu